Azərbaycanın 2 faylı UNESCO-nun Qeyri-Maddi Mədəni İrs Siyahısına təqdim edilib
2018-11-21

Azərbaycan Respublikasının Naxçıvan ənənəvi kollektiv “Yallı rəqsi” faylı UNESCO-nun təcili qorunmaya ehtiyacı olan Qeyri-Maddi Mədəni İrs Siyahısına və Azərbaycanın Qazaxıstan və Türkiyə ilə birlikdə “Dədə Qorqud irsi: bu epopeya ilə bağlı mədəniyyət, xalq əfsanələri və musiqi”yə dair faylı isə Qeyri-Maddi Mədəni İrs üzrə Reprezentativ Siyahısına təqdim olunub.

 

Bu haqda UNESCO-nun qeyri-maddi mədəni irsin mühafizəsi haqqında Konvensiyasının katibi Tim Kurtis bildirib.

 

Qeyd edilib ki, 2018-ci ildə Qeyri-Maddi Mədəni İrsin Qorunması üzrə Hökumətlərarası Komitənin təcili qorunmaya ehtiyacı olan qeyri-maddi mədəni irs siyahısına 7 fayl, qeyri-maddi mədəni irs üzrə Reprezentativ siyahısına 40 fayl və yaxşı mühafizə praktikasına 2 fayl daxildir.

 

Noyabrın 26-dan dekabrın 1-dək Port-Luis şəhərində UNESCO-nun Qeyri-Maddi Mədəni İrsin Qorunması üzrə Hökumətlərarası Komitəsinin 13-cü sessiyasında digər məsələlərlə birlikdə yuxarıda göstərilən fayllara baxılacaq və onların müvafiq siyahılara daxil edilməsi ilə bağlı qərar qəbul ediləcək.

 

https://azertag.az/xeber/Azerbaycanin_2_fayli_UNESCO_nun_Qeyri_Maddi_Medeni_Irs_Siyahisina_teqdim_edilib-1216553